معكرونة بصلصة البيشاميل

مكرونة بالباشميل من لذتها أهلي دايم يطلبوني أسويها والطريقة وااايد سهلة ولذيييييييذة

1- تسلقين المكرونة في حليب بودرة ومكعب ماجي وشوي زيت وملح وهذا اول سر في المكرونة

2- تغسلين اللحم المفروم بماي حار وتحمسين بصله مفرومه مع شوي زيت وتحطين اللحم عليها وتقلبينه شوي وتحطين عليها كأس ماي مذوبة فيه ظرف معجون طماطم وتضيفين مكعب مرقة ماجي وفلفل أحمر بودرة وفلفل أسود بودرة وفلفل أخضر رومي مقطع مكعبات وتفرمين كزبرة وتحطينها عليها وكمان ثوم مهروس وتخلينه لحد ماتنشف مويته وترفعينه من على النار

3 - تسوين الباشميل وهو عبارة عن ثلاث ملاعق مليانه دقيق تحطينها على ربع كاسة زيت في قدر وتحركينها لحد ما تمتزج مع بعض بعدها تحطين عليها كاستين حليب سايل وتخلطيها بالمظرب اليدوي السلك عشان ما تتكتل معاج وتضيفين ربع كاسة ماي مذوبة فيها مكعب ماجي وكمان شوية بهارات وملح حسب الرغبة وتخلطيها لحد ما تثقل وترفعيها من على النار وتضيفين عليها ملعقتين جبنة سايلة وملعقتين مايونيز وتخلطيها لحد ما تتجانس

4- تحطي ثلاث أرباع كمية الباشميل على المكرونة المسلوقة وتخلطيها وتصفي نصف المكرونة في الصينية .

5- تحطين الللحم المفروم على المكرونة في الصينية

6- تضيفين باقي المكرونة في الصينية وتغطيها من فوق بالباشميل الباقي

7- ترشين الوجة بجبنة موزريلا وتدخليها الفرن لحد ماتتحمر

وجربوها وبتعتمدوا هالطريقه وألف صحه وعافيه عليكم

مشاركة مميزة ورائعة من روائعك الجميلة
دام هذا التألق والابداع معنا
وفقك الله

» معكرونة بقطع الدجاج
» طريقة اعداد معكرونة لذيذة
» طريقة عمل كانيلوني بصلصة البولونيز
» كباب ترياكي بصلصة الطماطم
» ساندويش الروستو بصلصة الخردل والعسل